«Солнышко» шағын орталығында Тілдер мерекесіне орай «Тіл мәртебесі – ел мерейі» атты тәрбие сағаты өткізілді.
Іс-шараны қазақ тілі мұғалімі Сандуғаш Үртемішқызы ұйымдастырып, жүргізді. Мақсаты – балаларға ана тіліміздің көркемдігін сезіндіру, сөз құдіретін ұғындыру және тілдің адам өміріндегі маңызын түсіндіру.
Шара барысында тәрбиеленушілер шешендік сөздер, нақыл сөздер мен мақал-мәтелдер арқылы тіл байлығымен танысып, өз ойларын жеткізуге, сөз саптау мәдениетін меңгеруге тырысты.
Бұл ертеңгілік бүлдіршіндердің тілге деген сүйіспеншілігін арттырып, ой-өрісін кеңейтуге ықпал етті.
